2016 jylǵy qańtarda QR UB-nyń valıýta naryǵynda satý túrindegi óktemdigi $ 57,7 mln. qurady
ASTANA. QazAqparat - Qazaqstan Ulttyq bankiniń Tóraǵasy Ońtústik Qazaqstan oblysy Shymkent qalasynda ótken baspasóz konferentsııasy barysynda: «Ulttyq Bank valıýta naryǵyna qatysýyn barynsha azaıtty. Ulttyq Banktiń 2016 jylǵy qańtarda valıýtany satý túrindegi óktemdiligi $57,7 mln. nemese saýda-sattyqtyń jalpy kóleminen 2,48% ($2 322,2 mln.) boldy», - dep habarlady.
D. Aqyshev: «Teńgeniń aıyrbastaý baǵamynyń serpini syrtqy sııaqty ishki faktorlardyń yqpalyna qaraı da aıqyndalady. Máselen, jyl basynan beri munaıdyń álemdik baǵasy 8,2%-ǵa tómendedi, Reseı rýbli de 6,6%-ǵa álsiredi», - dep taǵy bir ret túsindirdi.
Bul jerde, teńge baǵamyna ishki faktorlar da, turǵyndar men bankterdiń kútýleri, bıýdjet qarajatynyń qozǵalysy jáne salyqtar tóleý kezeńderi de yqpalyn tıgizedi, dep jazylǵan QR UB baspasóz habarlamasynda.
«Qazirgi ýaqytta baǵamnyń jýyq arada aıtarlyqtaı ózgerý yqtımaldyǵy az dep baǵalaımyz. Qazaqstannyń tólem balansy turǵysynan jaǵymsyz stsenarııler iske asyrylyp qoıdy», - dedi Aqyshev.
