2016 jylǵy álemniń eń qymbat qalalarynyń reıtıngisi jarııalandy
ASTANA. QazAqparat - Jyljymaıtyn múlikpen aınalysatyn amerıkandyq Savills agenttiginiń qyzmetkerleri álemniń eń qymbat qalalary reıtıngisin jarııalady, dep habarlady Informıng.rý.
Budan buryn 2,5 jyl boıy kóshbasshylyqty London bastaǵan bolatyn - ol ómir súrý úshin eń qymbat qala. Qazir Ulybrıtanııa astanasy úshinshi orynǵa túsip qaldy.
Al onyń ornyn Nıý-Iork basty. Onda turý jylyna 114 myń dollardy quraıdy. Jyl ishinde bul tsıfr 2 paıyzǵa artty.
Ekinshi orynda - Gonkong. Bir adamǵa munda jylyna 100 myń dollar qajet.
Úshinshi oryn jóninde aıttyq - London, Brexit-ten keıin onda shyǵyndar 11 paıyzǵa tómendedi.
Alǵashqy bestikke sondaı-aq Tokıo men Parıj kiredi. Al Reseı astanasy - Máskeý osy joly eń qymbat qalalardyń ondyǵynan shyǵyp qaldy. Endi Máskeý 15-shi orynǵa jaıǵasty.
Reıtıngini qurastyrýda turý quny, keńselerdi jaldaý jáne kommýnaldyq qyzmetter eskerildi. Bul esepter qarjy salasy men shyǵarmashyl mamandarǵa baǵdarlanǵan. Sondyqtan da qarapaıym turǵyndar úshin bunyń qajeti shamaly deýge bolady.
