2016 jylǵa Qazaqstanda shetel mamandaryna 60 myńnan astam eńbek kvotasy bekitildi

ASTANA. QazAqparat - Bıylǵa shetel mamandaryna 60 myńnan astam eńbek kvotasy bekitildi. Bul týraly búgin Astanada Qazaqstan Respýblıkasynyń bas memlekettik eńbek ınspektory Aqmádı Sarbasov málim etti.

«Syrtqy eńbek kóshi-qonyna toqtalatyn bolsaq, bul turǵyda retteý júrgizetin negizgi tetik retinde kvota men ruqsatnama berý júıesi saqtalady. Osy oraıda biz bólek salalardan ózge osy júıeden bas tartýdy kózdep otyrǵanymyz joq. Eńbek naryǵyn qorǵaý maqsatynda bizdegi júıe kvotalanǵan. 2016 jylǵa 63 myń adamǵa kvota bekittik, bul ekonomıkalyq belsendi halyqtyń 0,7 paıyzy»,-dedi A. Sarbasov «Kóshi-qonnyń áleýmettik-ekonomıkalyq áserleri: mıgranttardyń qorǵansyzdyǵy jáne Ortalyq Azııadaǵy ıntegratsııalyq qajettilikter» atty dóńgelek ústelde.

Onyń sózine qaraǵanda, bul ekonomıkaǵa bilikti shetel mamandaryn tartýdyń joǵary shegi jáne jetkilikti deńgeıi bolyp tabylady.

A. Sarbasovtyń aıtýynsha, sonymen qatar ol úı sharýashylyqtaryna jumys isteý úshin tek TMD azamattaryna ruqsatnama berý júıesi bar. Bul turǵyda ósim bar kórinedi. 2015 jyly TMD azamattary úshin 141 myń ruqsat berilgen eken.