2016 jylǵa qaraı Jer turǵyndarynyń 1%-nyń baılyǵy qalǵan 99%-dan aspaq
ASTANA. QazAqparat - 2016 jylǵa qaraı Jer turǵyndarynyń 1%-ń baılyǵy qalǵan 99%-dan da asady, dep eskertedi brıtanııalyq Oxfam qaıyrymdylyq uıymy.
VVS habarlaǵandaı, uıym shveıtsarııalyq Davosta bolatyn Búkilálemdik ekonomıkalyq forým qarsańynda ósip kele jatqan teńsizdikke nazar aýdartý maqsatyn kózdep otyr.
Oxfam basshysy Ýınnı Bıanıma teńsizdik ulǵaıyp, baılar men eń kedeı adamdar arasyndaǵy aıyrmashylyq (qashyqtyq) qarqyndy túrde artyp keletinin aıtty.
Qaıyrymdylyq uıymy álemdegi memleket basshylaryn salyq tóleýden jaltarýmen kúresýge, memlekettik qyzmet sapasyn arttyrýǵa, sonymen qatar zań negizinde jalaqynyń eń tómengi mólsheri men ómir súrýdiń tómengi deńgeıin bekitýge shaqyrdy.
