2016 jylǵa qaraı Qytaıda eki myń kómir shahtasy jabylady
ASTANA. QazAqparat - Qytaı bıligi 2016 jylǵa qaraı eldegi 2 myń kómir shahtasyn jabýǵa nıetti. Osylaısha, kómir shahtalarynyń sany 10 myńǵa deıin qysqarmaq.
Jergilikti BAQ habarlaǵandaı, bul sharalar aýaǵa taralatyn zııandy zattardyń mólsherin azaıtýǵa jáne óndiristegi tehnıkalyq qaýipsizdikti jetildirýge baǵyttalǵan.
QHR-daǵy óndiris qaýipsizdigin baqylaý boıynsha memlekettik basqarmanyń málimetinshe, bıyl myńnan astam óndiris jabyldy.
Áýeli zańsyz qurylǵan nemese bekitilgen óndirý kóleminen asyra ónim óndiretinder óz jumysyn toqtatady. Sonymen qatar jyl saıyn óndiris kólemi 90 myń tonna kómir óndirýden aspaıtyn shaǵyn shahtalar joıylady, dep habarlady TASS.
