2016 jylǵa qaraı Qazaqstan kirpish ımportynan tolyǵymen bas tartady - IJTM
ASTANA. 15 qańtar. QazAqparat - Іshki naryqta elimizde óndirilgen qurylys materıaldarynyń úlesi 2010-2013 jyldary 15,8 paıyzdan 71 paıyzǵa deıin ulǵaıdy. Bul týraly Indýstrııa jáne jańa tehnologııalar mınıstrliginiń baspasóz qyzmetinen habarlandy.
Atap aıtqanda, eger 2008 jyly gıps qatyrmasy boıynsha ımport 100 paıyz bolsa, 2013 jyldyń 10 aıynyń qorytyndysy boıynsha ishki naryqta óndiris kólemi 87,7 paıyzdy quraǵan. Mınıstrlik málimetterine qaraǵanda, elimizde gıps qatyrmasyn jáne qurǵaq qurylys qospalaryn óndirý boıynsha «Jambylgıps» AQ-y, «Alina» JShS-i, «Knauf Kazakhstan» JShS-i, «Alit» -JShS-i sekildi 4 kásiporyn qyzmet etip jatyr.
Sonymen qatar, 2013 jyldyń 10 aıynyń qorytyndysy boıynsha ishki naryqta otandyq kirpishtiń úlesi 68,8 paıyzdy qurady. Aıta keterligi, Qazaqstanda 7 jańa kirpish zaýytynyń qurylysy aıaqtalyp, qýattary iske qosylǵannan keıin 2016 jylǵa qaraı ónimniń osy túrin ımporttaýdan tolyǵymen bas tartý josparlanady. Respýblıka aýmaǵynda 110 kirpish óndirýshi qyzmet etedi.
Óz kezeginde, iske qosylǵan jańa zaýyttardyń arqasynda, qazir ishki naryqtyń 60 paıyz otandyq óndiristegi materıaldarmen qamtamasyz etiledi. Sondaı-aq, ótken jyly tereze men esikter úshin profıl óndirý boıynsha qýattylyǵy jylyna 7000 tonna ónimdi quraıtyn «Trıýmf M.M.S» zaýyty» JShS-i jáne Astana qalasynda qýattylyǵy jylyna 6000 tonna ónimdi quraıtyn «Fýnke Kýnsshtoffe» JShS-i júzege asyrylǵan. Atalmysh zaýyttardy iske qosý nátıjesinde elimizde ónimniń bul túrindegi muqtajdyǵy tolyqtaı otandyq óndirispen qamtamasyz etilgen.
