2016 jyldyń jeltoqsanynda Qashaǵan alǵashqy munaıyn beredi

ASTANA. QazAqparat - 2016 jyldyń sońynda Qashaǵan ken orny alǵashqy munaıyn shyǵarady. Ken ornyndaǵy alǵashqy munaıdyń kólemi 35 myń tonnany quramaq. Bul týraly búgin halyqqa esep berip jatqan QR Energetıka mınıstri Qanat Bozymbaev málim etti.

«Jospar boıynsha, Qashaǵan ken ornyn 2016 jyldyń sońynda iske qospaqpyz. Jeltoqsan aıynda Qashaǵanda alǵashqy 35 myń tonna shamasynda munaı óndiriledi», - dedi Q.Bozymbaev. Mınıstr atap ótkendeı, Qashaǵandaǵy munaı jáne gaz qubyrlaryn aýystyrý jáne óndiristik nysandardy daıyndaý kestege saı júrip jatyr.

Aıta keteıik, Astanada QR Energetıka mınıstri Qanat Bozymbaev halyqqa esep berip jatyr. Ol mınıstrliktiń atqarǵan jumysyn baıandap, turǵyndardy aldaǵy josparmen tanystyrady.