2016 jyldyń úzdik volonteri anyqtaldy

ASTANA. QazAqparat - Búgin QR Din isteri jáne azamattyq qoǵam mınıstri Nurlan Ermekbaev 2016 jyldyń úzdik volonterin tańdady, dep habarlaıdy QazAqparat.

Mınıstr atap ótkendeı, bul baıqaýdyń maqsaty - eriktiler uıymdarynyń jumysyn baǵalaý, jeke volonter men eriktiler uıymdary júzege asyrǵan jobalardy saralap, tynbaı eńbek etken jastarǵa alǵys jarııalaý.

«Respýblıkanyń túpkir-túpkirinen osy jarysqa 150-den astam volonter men volonterlik uıymdar ótinish túsirgen eken. ıAǵnı, Qazaqstanda da azamattyq qoǵamnyń aınymas bir bóligi - eriktiler ınstıtýty damyp keledi. Shyn júrekten jan-jaǵyna jaqsylyq jasap, jumys isteıtin adam - naǵyz qaharman»,-dedi quttyqtaý sózinde N.Ermekbaev.
 

Jalpy, jarysty uıymdastyrýshylar jeńimpazdardy úsh nomınatsııa boıynsha marapattady. «Úzdik volonter» nomınatsııasynda 1-oryn Arýjan Qyrymbaevaǵa, 2-oryn Symbat Ramadınqyzyna, 3-oryn Ázıza Gúlmuratovaǵa buıyrdy.

«Úzdik volonterlik uıym» nomınatsııasynda 1-oryndy «Bolashaq» volonterlik uıymy», 2-oryndy «Ulaǵat Ulandary» uıymy, 3-oryndy «Ekibastuz GRES-1» jastar keńesi aldy.

Aıta keteıik, baıqaýdyń júlde qory - 360 myń teńge. Birinshi oryn ıeleri - 50 000 teńge, ekinshi oryn ıeleri - 40 000 teńge, úshinshi oryn ıeleri 30 000 teńge kóleminde júlde aldy.