2016 jyldyń sońynda jyldyq ınflıatsııa 6-8 paıyzdyq dálizge jaqyndaıdy - Danııar Aqyshev
ASTANA. QazAqparat - 2016 jyldyń sońynda jyldyq ınflıatsııa 6-8 paıyzdyq dálizge jaqyndaıdy. Bul týraly búgin QR Úkimeti otyrysynda Ulttyq bank tóraǵasy Danııar Aqyshev málim etti.
«Bankterdiń teńgemen uzaq kredıtterdi berýine jaǵdaı jasaıtyn makroekonomıkalyq orta qajet. Bul Ulttyq banktiń negizgi mindetteriniń biri bolyp tabylady. Ulttyq bank kredıtteýge qoldaý kórsetý úshin ınflıatsııa deńgeıin tómendetý saıasatyn jalǵastyrady», - dedi ol.
Bank tóraǵasynyń paıymynsha, bul teńgedegi aqsha qunynyń arzandaýyna kómektesedi jáne kásiporyndardyń qajetine aqsha berýge múmkindik jasaıdy. Munan bólek, Ulttyq bank banktik kredıtteýdi belsendi etetin sharalardy da usynýda.
«2016 jylǵy shilde-tamyzda ınflıatsııanyń jyldyq kórsetkishi eń joǵary boldy. Qyrkúıekte ınflıatsııanyń azdap tómendeýin kútemiz. Negizgi báseńdeý qazan-qarashada bolady. 2016 jyldyń sońynda jyldyq ınflıatsııa 6-8 paıyzdyq dálizge jaqyndaıdy»,- dedi D.Aqyshev.
