2016 jyldyń sońynda salyqty kez kelgen salyq organynda tóleýge bolady

ASTANA. QazAqparat - QR Qarjy mınıstrligi Memlekettik kirister komıteti memlekettik qyzmet júıesiniń eksaýmaqtyq prıntsıpterin engizbek. Bul týraly búgin QR Qarjy mınıstrligi Memlekettik kirister komıteti Damý jáne jańǵyrtý departamentiniń dırektory Erjan Birjanov málim etti.

«1 sáýirden bastap, biz memlekettik qyzmet júıesiniń eksaýmaqtyq prıntsıpterin engizemiz. Bul neni bildiredi?! Salyq tóleýshige onyń qaı aýdanda tirkelgeni mańyzdy emes, bastysy - memlekettik qyzmetti alý. Ol kez kelgen salyq organyna kele alady jáne onyń qaı aýdanda esepte turǵanyna qaramastan, oǵan memlekettik qyzmettiń keń aýqymy sapaly usynylýy tıis», - dedi E.Birjanov.

Onyń sózi boıynsha, atalǵan júıe ilki rejimde SQO, Qostanaı jáne Aqmola oblystarynda engiziledi.

«Jyldyń sońyna qaraı bul prıntsıpti búkil respýblıkaǵa taratatyn bolamyz», - dedi ol.