2016 jyldyń sońynda Parlamentke jyljymaıtyn múlikti mindetti saqtandyrý zań jobasy engizilmek
ASTANA. QazAqparat - 2016 jyldyń sońyna qaraı Parlamentke jyljymaıtyn múlikti mindetti saqtandyrý týraly zań jobasy engiziledi. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Ulttyq ekonomıka vıtse-mınıstri Qaıyrbek Óskenbaev málim etti.
«Qazirgi kezde ol (jyljymaıtyn múlikti mindetti saqtandyrý) bes jyldan nemese bir jyldan keıin bolatyndyǵy belgisiz. Sebebi, búginde elimizde atalǵan tetikti engizýdiń tujyrymdamasyn ázirleý boıynsha top jumys istep jatyr. Jospar boıynsha olar 2016 jyldyń sońynda zań jobasyn Májiliske engizýi tıis»,-dedi mınıstrdiń orynbasary.
Osy oraıda ol buǵan deıin atalǵan qujat jobasy talqylaýdan ótetindigin jetkizdi.
