2016 jyldyń sońyna qaraı ınflıatsııa deńgeıi 6-8 paıyzdy quraıtyn bolady - D. Aqyshev
ALMATY. QazAqparat - Búgin Almatyda QR Ulttyq banki tóraǵasy Danııar Aqyshevtyń qatysýymen baspasóz máslıhaty boldy. Onda bas bankır qarjy naryǵyndaǵy ahýalǵa baǵa berdi.
«2016 jyldyń basynda ınflıatsııa deńgeıi joǵary deńgeıde bolady. Biraq, jyl sońyna qaraı tómendeıtin bolady. ıAǵnı, 2016 jyldyń tórtinshi toqsanyna qaraı, 8 paıyzǵa jaqyndaıdy. Sondyqtan, Ulttyq banktiń basty maqsaty - ınflıatsııany jyl sońyna qaraı belgilengen 6-8 paıyzdyq dálizge turaqtandyrý», - dedi D. Aqyshev.
Aıta ketelik, 2015 jylǵy qarasha aıynda ınflıatsııa 3,7 paıyzdy qurady. Ótken jyly osy kezeńde ınflıatsııa deńgeıi 0,6 paıyzdy quraǵan bolatyn. Al 2015 jyly qańtar-qarasha aıynda ınflıatsııa deńgeıi 12,3 paıyz boldy. Ótken jylǵy osy kezeń aralyǵynda ınflıatsııa kólemi 6,9 paıyzdy quraǵan edi.
