2016 jyldyń sońyna deıin 6 500-den astam qazaqstandyqty armııa rezervine daıarlaıdy (FOTO)

ASTANA. QazAqparat - Almaty qalasyndaǵy Qorǵanys isteri jónindegi departamentiniń jınaý pýnktinde Qazaqstan Respýblıkasy Qorǵanys mınıstrligine qarasty áskerı-tehnıkalyq mekteptiń Almatydaǵy fılıalyna kezekti úmitkerlerdi irikteý aıaqtaldy, dep habarlady Qorǵanys mınıstrliginiń baspasóz qyzmeti.

Oqýǵa barlyǵy 90 adam qabyldandy. Olar «Atqysh» mamandyǵy boıynsha daıarlyq kýrsynan ótip, sodan keıin qazaqstandyq armııanyń oqytylǵan áskerı rezerviniń quramyna kiredi. Úmitkerlerdi irikteý kezinde olarǵa otbasy jaǵdaıy boıynsha, nekede turýy, bir jáne odan kóp balalarynyń bolýyna baılanysty áskerge shaqyrylýyn keıinge qaldyrý quqyǵy beriledi. Sondaı-aq bul quqyq 22-den 27 jasqa deıingi azamattarǵa da beriledi.

Almaty qalasyndaǵy Qorǵanys isteri jónindegi departamenttiń mamandary bergen málimetter boıynsha áskerı-tehnıkalyq mektepterge úmitkerlerdi irikteý turaqty túrde jylyna jeti ret júrgiziledi. Búgingi kúnge deıin Almaty qalasynda 300-ge jýyq adam oqýdy aıaqtady. Bıylǵy jyldyń sońyna deıin narıadqa sáıkes QR Qorǵanys mınıstrligine qaraıtyn áskerı-tehnıkalyq mekteptiń Almatydaǵy fılıalynda barlyǵy 630 adamdy oqytylady.

Elimizdegi Qarýly Kúshterdiń rezervin 2016 jyldyń aıaǵyna deıin Qazaqstannyń barlyq óńirinen 6 500-den astam adammen tolyqtyrý josparlanyp otyrǵanyn aıta ketken jón.