2016 jyldyń shildesine deıin 3 myńnan astam kásiporyn energııa aýdıtinen ótýi qajet - A.Erjanov
ASTANA. QazAqparat - 2016 jyldyń shildesine deıin 3 myńnan astam kásiporyn energııa aýdıtinen ótýi qajet. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Investıtsııalar jáne damý mınıstrligi Indýstrıaldy damý jáne ónerkásiptik qaýipsizdik komıtetiniń tóraǵasy Amanııaz Erjanov málim etti.
Energııa únemdeý memlekettiń strategııalyq jáne jańa ındýstrıalandyrý saıasatynyń mindetterine jatatyndyǵyn aıtqan ol: «Osyǵan baılanysty qazirgi tańda qoıylǵan maqsattarǵa qol jetkizý úshin mańyzdy is-sharalar iske asyrylýda. Atap aıtqanda, birinshiden, normatıvtik-quqyqtyq baza qurýda energııa únemdeý jáne energııa tıimdiligin arttyrý týraly zańnyń qabyldanýy - energııa tıimdiligin arttyrý saıasatyn damytýdaǵy mańyzdy kezeń sanalady. Ekinshiden, zańnyń aıasynda mańyzdy norrmatıvtik-quqyqtyq aktiler men normatıvtik tehnıkalyq qujattar qabyldanýda. Sonyń ishinde kólik tehnologııalaryna, úıler men ǵımarattarǵa, qurylys materıaldaryna energııa únemdeý boıynsha mindetter men talaptar qoıyldy», - dedi.
Onyń aıtýynsha, úshinshiden «Memlekettik energııa únemdeý-2020» baǵdarlamasy aıasynda óńirlik jáne salalyq energııa únemdeý josparlary oryndalýda. Tórtinshiden, energııa únemdeý zańynyń basty tetigi memlekettik energetıkalyq tiziliminiń qyzmet etýine baılanysty 2016 jyldyń shildesine deıin 3 myńnan astam kásiporyn energııa aýdıtinen ótýi qajet.
«Energııa aýdıtiniń qorytyndysy boıynsha osy kásiporyndardyń energııa únemdeý josparlary jabdyqtardy tehnıkalyq protsesterdi, ǵımarattardy jańǵyrtýǵa baǵyttalatyn bolady. Qazirgi tańda iri kásiporyndar energııa aýdıtterin júrgizip, energııa únemdeý sharalaryn oryndaýǵa kirisip ketti. Besinshiden, energııa únemdeýdi nasıhattaý jáne kadrlardy daıyndaýda halyqpen jumys isteý bolyp tabylady», - dedi A.Erjanov.
