2016 jyldyń sáýirine qaraı bazalyq paıyzdyq mólsherlemeni ıkemdi ózgertý tetigi engiziledi - E. Dosaev
ASTANA. QazAqparat 2016 jyldyń sáýirine qaraı bazalyq paıyzdyq mólsherlemeni ıkemdi ózgertý tetigi engiziledi. Búgin Parlament Májilisindegi Daǵdarysqa qarsy sharalarǵa arnalǵan Úkimet saǵatynda QR Ulttyq ekonomıka mınıstri Erbolat Dosaev osylaı málimdedi.
Aıta keterligi, aǵymdaǵy jeltoqsannyń 8-inde Úkimet pen Ulttyq banktiń 2016-2018 jyldarǵa arnalǵan Daǵdarysqa qarsy jospary maquldanǵan bolatyn. Atalǵan jospar eki bólimnen turady. Onyń birinshisi, Elbasynyń qarasha aıyndaǵy Joldaýy boıynsha bes negizgi baǵyt sheńberinde jańa qurylymdyq ekonomıkany qalyptastyrý. Ekinshiden, ekonomıka ósimin jáne oǵan kredıt berýdi yntalandyrý boıynsha sharalar.
«Ulttyq bank pen Úkimettiń orta merzimdi perspektıvadaǵy negizgi maqsaty 2016-2017 jyldary ınflıatsııany 6-8 paıyz dálizinde, 2018 jyly 5-7 paıyz, 2019 jyly 4-6 paıyz, al 2020 jylǵa qaraı 3-4 paıyzǵa deıin tómendetý kózdeledi. Bul rette 2016 jyldyń sáýirinde bazalyq paıyzdyq mólsherlemeni ıkemdi ózgertý tetigi engiziletin bolady, bul baǵa turaqtylyǵyn qamtamasyz etýge jáne ınflıatsııa deńgeıin tómendetýge baǵyttalady. Aqsha-kredıt saıasaty operatsııalardyń tıimdiligin arttyrýǵa, onyń aqsha naryǵynyń mólsherlemelerine yqpalyn kúsheıtýge múmkindik beredi», dedi E. Dosaev.
