2016 jyldyń maýsymynda Sýdıalardyń jańa etıkalyq kodeksi qabyldanady
Onyń sózine qaraǵanda, sýdıanyń moraldyq-adamgershilik turpatyna qoǵam talaptarynyń artýy - kásibı qyzmette, qoǵamda, otbasynda sýdıalar tártibiniń etıkalyq negizin reglamentteıtin normalar men erejelerdi qaıta qarastyrýdy talap etedi. Osy oraıda ol 1996 jyly qabyldanǵan kodeks aıtarlyqtaı eskirgenin atap ótti.
Bul qujat jeti ǵana baptan turǵandyqtan, sýdıalardyń etıkalyq tártibiniń kóptegen aspektilerin qamtı almaı otyr.
«Sondyqtan da qazirgi kezde sýdıalardyń etıkalyq ustanymdary men tártibi erejeleriniń jańa Kodeksin daıarlaý men qabyldaý ózekti másele bolyp tabylady», - dedi Sansyzbek Raıymbaev.
Esterińizge sala keteıik, 2015 jyldyń 10 jeltoqsanynda Sýdıalar odaǵanyń ortalyq keńesi 2016 jyldyń maýsymynda Astanada jetinshi kezekten tys sýdıalar sezin shaqyrý týraly qaýly qabyldady. Onda Sýdıalardyń jańa etıkalyq kodeksin qabyldaý josparlanǵan. Sýdıalar odaǵynyń ortalyq keńesinde Sýdıalardyń etıkalyq ustanymdary jáne tártibi erejeleriniń jańa kodeksi tanystyrylǵan bolatyn. Qujat jobasy bes taraýdan jáne 33 baptan turady.
Qazirgi kezde Kodeks jobasy Joǵarǵy Sottyń saıtynda ornalasqan, osy oraıda onymen egjeı-tegjeıli tanysýǵa bolady. Jetinshi sezde Kodekstiń sońǵy redaktsııasy qabyldanady.
