2016 jyldyń qyrkúıeginen Qazaqstanda bastaýysh synyptarda bilim berýdiń jańartylǵan standarty engiziledi
ASTANA. QazAqparat - 2016 jyldyń qyrkúıeginen Qazaqstanda bastaýysh synyptarda bilim berýdiń jańartylǵan standarty engiziledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Bilim jáne ǵylym mınıstri Aslan Sárinjipov málim etti.
«Aǵymdaǵy jyldyń qyrkúıeginen bastaýysh synyptardyń jańartylǵan standarttary boıynsha oqytýdy 30 mektepte beıimdeýdi bastaımyz, al 2016 jyldyń qyrkúıegende barlyq mektepterde iske qosamyz. ıAǵnı, 2016 jyly birinshi synyp, 2017 jyly 2-shi synypqa engizip, osylaısha birtindep barlyq baǵdarlamany jańartatyn bolamyz», - dedi mınıstr BAQ ókilderiniń saýalyna oraı.
Onyń atap ótýinshe, bul biriktirilgen baǵdarlama bolmaq.
«Jańartylǵan baǵdarlamada daǵdy men quziret berý komponentteri jáne tárbıe berý jumystary kúsheıtiledi. Bul biriktirilgen baǵdarlama bolmaq: synı oılaý daǵdysy, komandada jumys isteý, aqparat izdeý. Olar barlyq pánderge biriktiriledi. Osylaısha biz baǵdarlamalarymyzdy halyqaralyq standarttarǵa sáıkestendiremiz», - dedi A.Sárinjipov.
