2016 jyldyń qyrkúıeginde G.Golovkın mega jekpe-jek ótkizedi (FOTO)
ASTANA. QazAqparat - Álemge áıgili kásipqoı boksshy, WBA, IBO, WBC IBF nusqalary boıynsha álem chempıony, qazaqstandyq Gennadıı Golovkın aldyn ala jospar boıynsha 2016 jyly úsh jekpe-jek ótkizýi yqtımal.
Bul týraly búgin «Tsesnabank» AQ dırektorlar keńesiniń tóraǵasy Dáýren Jaqsybekov pen Gennadıı Golovkınniń bank pen kásipqoı boksshy arasyndaǵy yntymaqtastyqtyń jańa belesine arnalǵan birlesken press-konferentsııa aıasynda boldy.
Boksshynyń ózi jýrnalısterdiń suraǵyna jaýap bere otyryp, tek S.Alvarespen josparlanǵan jekpe-jekke qysqa túsinikteme berdi.
«Jekpe-jek (S.Alvarespen) bolady, 2016 jyldyń qyrkúıegine josparlanǵan», - dep jaýap berdi G.Golovkın.
Al baspasóz máslıhatynan soń jýrnalısterdiń suraǵyna jaýap bergen Gennadıı Golovkınniń sport menedjeri Oleg Germann GGG komandasynyń 2016 jylǵy boljamdy jekpe-jekteri týraly málimet berdi.
«Genanyń sáýir aıyndaǵy jekpe-jegi naqty kimmen ótedi dep aıtý maǵan qıynǵa soǵyp tur. Gennadıı Golovkınniń IBF nusqasy boıynsha mindetti qarsylasy Ýeıdpen, sondaı-aq, Sonderspen kelissózder júrip jatyr. Osy jyldyń taǵy bir maqsaty - qyrkúıek aıynda úlken mega jekpe-jek ótkizý. Odan keıingi jospar - jeltoqsan aıynda bir jekpe-jek ótkizý. Biraq, aldymen sáýir men qyrkúıektegi jekpe-jekter ótýi kerek, jeltoqsandaǵy jekpe-jek týraly solarǵa baılanysty aıtylady»,-dep túsindirdi O.Germann.
