2016 jyldyń birinshi jartysyna arnalǵan erekshe tártip boıynsha tekserýler kestesine taldaý jasaldy
Atap aıtqanda, komıtetke 2016 jyldyń 1-jartyjyldyǵyna arnalǵan erekshe tártip boıynsha tekserýler kestesine ornalastyrý úshin tórt memlekettik organnyń, ıaǵnı QR ІІM Tótenshe jaǵdaılar komıtetiniń, QR UEM Tutynýshylardyń quqyqtaryn qorǵaý komıtetiniń, QR IDM Indýstrııalyq damý jáne ónerkásiptik qaýipsizdik komıtetiniń, Qarýly Kúshterdiń Bas áskerı-medıtsınalyq basqarmasynyń tekserýler kesteleri kelip tústi.
«Komıtet zań buzýshylyq bolyp tabylatyn memlekettik tirkelgen sátinen 3 jyl merzimi ótpegen shaǵyn kásipkerlik sýbektilerin tekserýler kestelerine qosý faktilerin anyqtaý úshin kelip túsken kestelerge taldaý júrgizdi. Monıtorıng barysynda tutynýshylardyń quqyqtaryn qorǵaý organdarynda osyndaı 77 fakt, tótenshe jaǵdaılar jónindegi organdarda 20 fakt, sonymen qatar kestelerge durys emes derekterdi engizýge baılanysty 200-den astam buzýshylyq anyqtaldy»,-dep atap ótilgen Quqyqtyq statıstıka jáne arnaıy esepke alý jónindegi komıtetiniń baspasóz qyzmeti taratqan málimette.
Osyǵan baılanysty, ýákiletti organdardyń mekenjaıyna zańdylyqtyń buzylýyn joıý týraly usynystar engizilip, zańsyz tekserýler kestelerden alynyp tastaldy.
«Júrgizilgen jumystyń nátıjeleri boıynsha kelip túsken barlyq kesteler Bas prokýratýranyń saıtynda ornalastyryldy. QSjAEK zańsyz tekserýlerdiń aldyn alý, memlekettik organdardyń kásipkerlik qyzmetke zańsyz aralasýyn boldyrmaý boıynsha jumysty jalǵastyrýda», - delingen taratylǵan málimette.