2016 jyldyń birinshi toqsanynda elimizdegi JІÓ byltyrmen salystyrǵanda 99,8 paıyzdy qurady
ASTANA. QazAqparat - QR Ulttyq ekonomıka mınıstrligi Statıstıka komıtetiniń habarlaýyna qaraǵanda, aldyn ala derekter boıynsha 2016 jylǵy qańtar-naýryzdaǵy Jalpy ishki ónimniń naqty kólem ındeksi ótken jyldyń tıisti kezeńimen salystyrǵanda 99,8 paıyzdy qurady.
Málimetterge qaraǵanda, JІÓ qurylymynda taýarlar óndirisiniń úlesi 34,1 paıyz, qyzmetter - 58,3 paıyzdy quraǵan. Sonymen qatar, bul kórsetkish aýyl sharýashylyǵy, ańshylyq jáne orman sharýashylyǵy, balyq aýlaý salasynda - 2,1 paıyzdy, ónerkásip salasynda - 28,6 paıyzdy quraǵan. Esepti kezeńde Jalpy ishki ónimniń qurylys salasyndaǵy úlesi 3,4 paıyzdy, al ónimge salynatyn salyqtar 7,6 paıyzdy qurap otyr.
