2016 jyldyń 1 jartyjyldyǵynda oryn alǵan qylmystardyń 10 paıyzyn jastar jasaǵan
«2016 jyldyń 1 jartyjyldyǵy boıynsha jalpy jasalǵan qylmystardyń 10 paıyzy jastardyń úlesinde. Bul vedomstvoaralyq másele bolǵannan keıin mınıstrik ІІM-men birlesken keshendi is-sharalar júrgizip keledi. Atap aıtqanda, qoǵamdyq tártipti saqtaý jónindegi erikti jasaqshylar qatarynda 3 myńnan astam oqýshy jastar qatysýda. Bul jumysqa jumyssyz jastar da tartylyp otyrady. Osy oraıda erikti saqshylardyń qataryn jumyssyz jáne oqymaıtyn jastar esebinen kóbeıtý usynylady»,- dedi ol.
Munan bólek, mınıstrdiń aıtýynsha, qazirgi ýaqytta Parlament Májilisinde eriktiler qyzmeti týraly Zań qaralyp jatyr.
«Osyǵan oraı kelesi sharalar iske asyrylatyn bolady. Birinshi - Jastar resýrstyq ortalyqtary arqyly árbir aýdanda jáne qalalarda uıymdaspaǵan jastardy anyqtap, olarmen tikeleı jumys júrgizý. Ekinshi, qazirgi ýaqytta Jastar ǵylymı-zertteý ortalyǵymen áleýmettik shıelenistiń yqtımal oshaqtaryn anyqtap, ataýly jumystarǵa sharalar ázirleý. Úshinshi, jastar jıi jınalatyn oryndarda zııandy minez-qulyqtardy anyqtaý úshin jastardyń ózderin, Jastar resýrstyq ortalyqtaryn, oqý oryndarynyń jastaryn tartý arqyly turaqty monıtorıng júrgizýdiń tetikteri men tártibin ázirleý. Tórtinshi, kolonııalardan bosaǵan jastarǵa áleýmettik beıimdeý sharalaryna qosymsha retinde «Jasyl el» jasaqtaryna tartý. Besinshi - úkimettik emes jáne kommertsııalyq emes uıymdardy jastar arasyndaǵy jumystarǵa tartý», - dedi N.Ermekbaev.
