2016 jyldyń 1 qańtarynan «Bolashaq» baǵdarlamasyna ózgerister engiziledi
«Búgin biz shetelde kadrlardy daıarlaý jónindegi komıssııanyń osy jylǵy sońǵy otyrysyn ótkizemiz. Jaqynda ǵana Elbasy «Qazaqstan jańa jahandyq naqty ahýalda: ósim, reformalar, damý» atty Joldaýyn usyndy. Onda jańa áleýmettik saıasatqa asa kóńil bólindi. Onyń ishinde, árıne, kadrlar daıarlaý máselesi búgingi kúnde ózekti jaıttardyń biri. Osyǵan baılanysty «Bolashaq» baǵdarlamasy boıynsha da ózgerister daıyndaldy. 1 qańtardan bastap jańa ózgerister júzege asatyn bolady», - dedi ol.
Memlekettik hatshy óz sózinde ulttyq ekonomıkanyń jetekshi salalaryn ekpindi damytý úshin ozyq bilim men tájirıbeni belsendi túrde transfertteý protsesindegi erekshe róldi atap ótti.
Komıssııanyń sheshimimen magıstratýrada jáne doktorantýrada oqýǵa álemniń jetekshi ǵylymı jáne óndiristik ortalyqtaryna taǵylymdaǵa jiberiletin 375 úmitkerge stıpendııa taǵaıyndaldy.
Sonymen qatar komıssııanyń jumysy aıasynda 2016 jylǵa basym mamandyqtar tizbesi bekitildi. Mamandyqtardyń jańa tizimi memlekettik organdardyń tapsyrystary boıynsha ǵana jasaqtaldy jáne eki esege deıin qysqartyldy. Tizbede barlyǵy 161 mamandyq usynylǵan. Onyń 45-i medıtsına, 67-si tehnıkalyq jáne 49-y gýmanıtarlyq mamandyqtardan turady. Otyrysty qorytyndylaǵan G.Ábdiqalyqova 2016 jyly stıpendııany damytýdyń jańa baǵyttaryn iske asyrýǵa jáne úmtikerlerdi irikteýdiń sapasyn arttyrýǵa qatysty birqatar tapsyrma berdi.
