2016 jyldyń 1 aqpanyna deıin «Samuryq-Qazynanyń» barlyq enshiles kompanııalary sheteldegi óz ókildikterin jabady

ASTANA. QazAqparat - 2016 jyldyń 1 aqpanyna deıin «Samuryq-Qazynanyń» barlyq enshiles kompanııalary sheteldegi óz ókildikterin jabady.

Bul týraly búgin QR Úkimetiniń selektorlyq rejimdegi otyrysy barysynda «Samuryq-Qazyna» UÁQ basqarmasynyń tóraǵasy Ómirzaq Shókeev málim etti.

«Ókildikter boıynsha biz barlyq enshiles kompanııalar ózderiniń sheteldegi ókildikterin 1 aqpanǵa deıin jabady dep ýaǵdalastyq», - dedi Ó.Shókeev.

Qor basshysynyń atap ótýinshe, barlyq kompanııalarǵa ortaq Máskeýde, Londonda jáne Beıjińde ǵana ókildikter qalady.

«Demeýshilikke qatysty aıtar bolsam, biz keńes ótkizdik. Bizdińshe, kótergen bastamalarymyz 2016 jyldyń 1 qańtarynan paıdalanýǵa daıyn bolady», - dep qosty ol.