2016 jyldan múgedektik boıynsha járdemaqy kólemi artady
«2016 jyldyń 1 qańtarynan bastap múgedektik boıynsha memlekettik áleýmettik járdemaqy mólsheri 25 paıyzǵa artady», - delingen vedomstvo málimetinde.
Sonymen qatar aqparattyq júıelerdiń ıntegratsııasy esebinen bir ótinim boıynsha múgedekter úshin birneshe memlekettik qyzmetterdiń nátıjelerin alý múmkin bolatyndyǵy atap ótildi.
Mınıstrlik halyqqa áleýmettik qyzmet kórsetý júıesin ary qaraı reformalaý aıasynda 2025 jylǵa deıin arnaıy áleýmettik qyzmet kórsetýdiń biriktirilgen modelin engizýdi josparlap otyr.
Jańa model aıasynda muqtaj adamdar men olardyń otbasylaryna jeke jáne keshendi qamqorshylyq ustanamy júzege asyrylady. Ol úshin bilim berý, densaýlyq saqtaý jáne áleýmettik qorǵaý júıeleriniń, sondaı-aq basqa da salalardyń áleýmettik jumysshylarynyń qyzmetin úılestirý tetigi jasalmaq. Bul óz kezeginde «jalǵyz tereze» arqyly muqtaj adamdarǵa áleýmettik qyzmetter kórsetýge múmkindik beredi.
Qazirgi kezde saýyqtyrýdyń tehnıkalyq tásilderi tizbesin ózektendirý úshin usynystardy jasaý turǵysynda tıisti sharalar atqaralyp otyrǵan kórinedi.