2016 jyldan Qazaqstanda alǵash ret Jemqorlyqqa qarsy is-qımyldyń ulttyq baıandamasy jarııa etiledi
«Jemqorlyqqa qarsy is-qımyldyń eń basty kezeńderiniń biri 2016 jyldyń 1 qańtarynda kúshine engen «Jemqorlyqqa qarsy is-qımyl týraly» jańa zańnyń qabyldanýy boldy. Atap óterligi, bul zań Memleket basshysy jarııa etken «100 naqty qadam» Ult josparynyń 13-shi qadamyn júzege asyrý úshin qabyldanǵan. Ol bul reformanyń kásibı memlekettik apparat qurýmen baılanysty birinshi baǵyty aıasynda da qabyldanyp otyr»,- dedi ol.
Ǵ.Ádıdiń sózinshe, atalǵan Zań memlekettik qyzmet pen jemqorlyqqa qarsy turý salasyndaǵy ókiletti organdardyń quzyretin kúsheıtedi. Máselen, Ult josparyn júzege asyrý úshin mınıstrlikte Jemqorlyqqa qarsy saıasat departament qurylǵan. Ol bul saladaǵy memlekettik organdardyń qyzmetin úılestirip, jańa aldyn alý sharalaryn ázirleıdi ári júzege asyrady.