2016 jyldan ınvestorlar 360-tan astam memlekettik qyzmetti «jalǵyz tereze» qaǵıdaty boıynsha alady - Á.Isekeshev
ASTANA. QazAqparat - 2016 jyldan bastap ınvestorlar 360-tan astam memlekettik qyzmetterdi «jalǵyz tereze» qaǵıdaty boıynsha alady. Bul týraly búgin Astanada Qazaqstandaǵy belsendi ınvestıtsııalyq qyzmeti úshin sheteldik ınvestorlardy marapattaý rásiminde QR Investıtsııalar jáne damý mınıstri Áset Isekeshev málim etti.
«2016 jyldyń 1 qańtarynan barsha ınvestorlar úshin «jalǵyz tereze» qaǵıdaty jumys isteıdi. Memleketten alynatyn barlyq qyzmetter, ruqsatnamalar, ıaǵnı bizdiń esepteýimiz boıynsha 363 qyzmetti ınvestorlar «jalǵyz tereze» qaǵıdaty boıynsha bir jerden alady», - dedi Á.Isekeshev. Osy oraıda ol Qazaqstan budan ary qaraı da ınvestorlarmen jumys isteıtindigin, bul turǵyda elimiz osy óńirde ınvestorlar úshin eń qolaıly jer bolýy baǵytynda barlyq máseleler sheshiletindigin atap ótti. «Jańa jyldan bastap Prezıdenttiń Joldaýy aıasynda Premer-Mınıstrdiń jetekshiligimen Úkimettik keńes qurylady. Meniń oıymsha, aldaǵy jyly ınvestorlarǵa qolaıly jaǵdaılar arta túsedi. Biz bul baǵyttaǵy jumystarmen kún saıyn aınalysamyz», - dep túıdi mınıstr. Aıta keteıik, búgin elordada belsendilik tanytqan 10 sheteldik ınvestor marapattaldy.
