2016 jyldan bastap talapkerler bilimin baǵalaýdyń jańa júıesi engizilmek
ASTANA. QazAqparat - Qazaqstanda 2016 jyldan bastap mektep bitirip, JOO-larǵa túskisi kelgen talapkerlerdi jańa júıe boıynsha baǵalaıtyn bolady.
Bul týraly búgin astanada Ortalyq kommýnıkatsııalar qyzmetinde ótken brıfıngte QR Bilim jáne ǵylym mınıstri Aslan Sárinjipov málim etti.
«Qazirgi ýaqytta biz orta bilim berý júıesiniń mazmunyn jańartyp, baǵalaýdyń jańa úlgisin jasaýdamyz. Baǵalaýdyń atalmysh júıesi mektep bitirý kezindegi synaq qana emes, sonymen qatar joǵary oqý oryndaryndaǵy tıisti mamandyqtarǵa baılanysty suraqtar da qamtylady», - dedi mınıstr.
Onyń sózine qaraǵanda, bul júıe kezeń-kezeńmen iske asyrylady.
«2015 jyly jańa standarttar tájirıbeden ótkiziledi, 2016 jyly Qazaqstannyń barlyq bilim berý júıesine engizý kózdeledi. Shyǵarmashylyq mamandyqtar boıynsha mundaı tájirıbe bar», - dep atap ótti A.Sárinjipov.
