2016 jyldan bastap stýdentter stıpendııasy 25 paıyzǵa artady - Qarjy mınıstri
Aldaǵy úsh jylda respýblıkalyq bıýdjet shyǵystarynyń basym bóligi azamattardyń áleýmettik qorǵalýyn qamtamasyz etýge baǵyttalǵan sharalardy iske asyrýǵa negizdeledi.
Máselen, Qarjy mınıstri Baqyt Sultanovtyń aıtýynsha, Elbasy tapsyrmasyna sáıkes memlekettiń áleýmettik saladaǵy jańa mindettemeleri 2015 jyly 194 mlrd. teńge kóleminde baǵalanady. Al bunyń kólemi 2017 jyly 600 mlrd. teńgege deıin ulǵaıatyn bolady.
«Atap aıtqanda, 2015 jylǵy 1 shildeden bastap azamattyq qyzmetkerlerge eńbek aqynyń jańa modelin engizýge - 157 mlrd. teńge, «B» korpýsy memlekettik ákimshilik qyzmetshileriniń eńbekaqy deńgeıiniń 2015 jylǵy 1 shildeden bastap 15 paıyz jáne 2016 jylǵy 1 shildeden bastap taǵy da 15 paıyz kólemmen artýyna úsh jyldyq merzimde jalpy somasy 94 mlrd. teńge kózdelgen. Budan bólek, stıpendııalardyń 2016 jylǵy 1 qańtardan bastap 25 paıyz artýyna baılanysty qosymsha 23 mlrd. teńge qarastyrylyp otyr», - deıdi B. Sultanov.