2016 jyldan bastap polıetılen paketterdi paıdalanýǵa tyıym salynady
ASTANA. QazAqparat - Frantsııada ekologııa úshin kúresý maqsatynda polıetılen paketterge jan-jaqty tyım salynýda, dep habarlady Le Parisien silteme jasaı otyryp Euromag.ru.
2016 jyldan bastap ekologııaǵa zııandy aqyly nemese erkin qoljetimdi paketter dúkenderde qoldanylmaıtyn bolady. Bul talapty oryndamaǵandarǵa aıyppul salý kózdelgen.
Onyń ornyna qorshaǵan ortaǵa zııany azdaý bıoirigish qaltalar engiziledi. Bul zańnyń qabyldanýy týraly másele týyndaǵanyna biraz ýaqyt bolǵan. Ekologtardyń kúshimen iri sýpermarketterde taralǵan polıetılen paketterdiń sanyn 10,5 mlrd-tan 700 mıllıonǵa deıin qysqartýǵa múmkin boldy, alaıda áli de 5 mlrd. bir ret paıdalanylatyn paketter men kókónister men jemister úshin 12 mlrd. orama paketter paıdalanylyp otyr. Polıetılen paketterdi paıdalanýǵa salynǵan tyıym 2016 jylǵy 1 qańtardan bastap kúshine enedi.
