2016 jyldan bastap, memlekettik qyzmetke jańadan kelgender mansap jolyn eń tómengi laýazymnan bastaıtyn bolady - B. Kamalov
ALMATY. QazAqparat - 2016 jyldan bastap, memlekettik qyzmetke jańadan kelgender ózderiniń mansap jolyn eń tómengi laýazymnan bastaıtyn bolady.
Bul týraly búgin Almatyda «Qazaqstan Respýblıkasynyń 2015-2025 jyldarǵa arnalǵan sybaılas jemqorlyqqa qarsy strategııasyn júzege asyrý boıynsha Almaty qalasynyń Almaly aýdanynda atqarylǵan jumystar týraly» taqyrybynda ótken keń kólemdi jınalys barysynda QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamenti basshysynyń orynbasary Bahtııar Kamalov málimdedi.
«Qazir Qazaqstan Respýblıkasynyń «Memlekettik qyzmet týraly» jańa zań jobasy QR Parlamentiniń Palatalarynda maquldandy. Endi, Elbasy oǵan qol qoıǵan soń, 2016 jyldyń qańtarynan bastap kúshine enedi. Jańa zań 72 baptan turady (aǵymdaǵy zańda barlyǵy 30 bap bar). Endi jańa zańnyń arqasynda elimizde sybaılas jemqorlyqqa qarsy tıimdi kúres júrgiziletin bolady. Mysaly, 2016 jyldan bastap, memlekettik qyzmetke jańadan kelgender merıtokratııa talaptaryna sáıkes, ózderiniń mansap jolyn eń tómengi laýazymnan bastaıtyn bolady. Olar bul úshin zańnamalardy biletindikteri jóninde arnaıy testileýden jáne qyzmeti boıynsha áńgimelesýden ótedi. Al synaq merzimi «3+3» formasynda bolady. ıAǵnı, úsh aı jáne alty aıdan keıin jumystaryna qatysty qorytyndy jasalady», - dedi B. Kamalov.
Sonymen qatar, ol jańa zańǵa sáıkes qyzmet babymen basqa óńirge aýysqan ákimshilik-memlekettik qyzmetkerlerdiń ózderine beriletin qyzmettik baspanasyn endi jekeshelendire almaıtyndyǵyn jetkizdi.
«Qazirgi aǵymdaǵy zań boıynsha memlekettik qyzmetkerler ózderiniń qyzmettik baspanalaryn jekeshelendire alady. Al jańa jyldan bastap, buǵan tyıym salynady. Sondaı-aq, múgedek, júkti, qart ata-anasy, múgedek balasy nemese 14 jasqa deıingi balasy bar jalǵyz ata-ana bolyp sanalatyn memlekettik qyzmetkerler qyzmet babymen basqa jerge tek erikti túrde ǵana aýysa alady», - dedi B. Kamalov.
Budan ózge Baqtııar Kamaluly jańa zań boıynsha zeınetkerlik jasqa jetken memlekettik qyzmetkerlerdiń qyzmetten bosatylýy múmkin ekendigin aıtty. Alaıda, jumys berýshi onymen bir ret, 1 jyl merzimge ǵana eńbek kelisim-shartyn jasaýǵa quqyly. Al aǵymdaǵy zań boıynsha bul eńbek kelisim-shartyn jyl saıyn uzartýǵa bolatyndyǵy belgili. Jańa jyldan keıin bul múmkindik alynyp tastalady.
Sondaı-aq, jańa zańǵa sáıkes, ásker qataryna shaqyrylǵan memlekettik qyzmetkerdiń jalaqysy saqtalmaǵanymen jumys orny saqtalatyn bolady. Qazirgi zańda bul qarastyrylmaǵan.
Taǵy da aıta ketken jón, jańa jyldan bastap, «B» korpýsynyń kadrlyq rezervti qalyptastyrý ınstıtýty taratylady. Al «A» korpýsynyń kadrlyq rezervti qalyptastyrý ınstıtýty saqtalady.
