2016 jyldan bastap kolledj oqytýshylary men sheberleri sheteldik ortalyqtarda biliktilikterin arttyrady
ASTANA. QazAqparat - 2016 jyldan bastap kolledj oqytýshylary men sheberleri sheteldik ortalyqtarda biliktilikterin arttyrady. Bul týraly QR Bilim jáne ǵylym vıtse-mınıstri Esenǵazy Imanǵalıev málim etti.
«Indýstrııalandyrýdy eskere otyryp jańa oqý tehnologııalary boıynsha sheteldik ortalyqtarda IIDMB-2 kolledjderiniń 30 oqytýshysy men oqý óndiristik sheberleri ózderiniń biliktiligin arttyrdy. 2015 jyldyń aıaǵyna deıin sheteldik ortalyqtarda zamanaýı menedjment boıynsha IIDMB-2 kolledjderdiń 30 jetekshisi biliktiligin arttyrady. 2016 jyldan bastap jyl saıyn IIDMB-2 kolledjderiniń 80 oqytýshysy men sheberleri sheteldik ortalyqtarda jańa oqý tehnologııalarmen biliktilikterin arttyratyn bolady», - dedi ol.
Sonymen qatar vıtse-mınıstrdiń atap ótýinshe, 2016-2018 jyldarǵa ındýstrııanyń qajettilikterin eskere otyryp tehnıkalyq jáne kásiptik bilimge 4000 orynǵa memlekettik bilim berý tapsyrysyn bólý josparlanǵan. Bul úshin jyl saıyn 135 mln. teńge qajet. 2016-2018 jyldary respýblıkalyq bıýdjetti qalyptastyrý barysynda kadrlardy daıarlaý jáne jabdyqtaý úshin qarjylandyrý kólemi naqtylanady. Indýstrııalandyrý aıasynda jańa ashylǵan kásiporyndardy kelisimshart negizinde kadrlardy daıarlaý jáne jumyspen qamtý, óndiristik tájirıbeni ótýdi qamtamasyz etý úshin «Kásipqor» holdıngimen máseleler pysyqtalatyn bolady.
«Joǵary jáne joǵary oqý ornynan keıingi bilim salasynda jobalardy zamanaýı kadrlarmen qanaǵattandyrý ınnovatsııalyq sıpattaǵy bilim berý baǵdarlamalary esebinen qamtamasyz etiledi, al oqýdyń ózi jańa zerthanalyq jabdyqtarmen júrgiziletin bolady», - dedi E.Imanǵalıev.
