2016 jyldan bastap Qazaqstannyń bastaýysh synyp oqýshylary «Ǵylymǵa kirispe» pánin oqıdy
ASTANA. QazAqparat - 2015 jyly Qazaqstannyń 63 mektebinde bastaýysh synyptarda «Ǵylymǵa kirispe» jańa páni qabyldanady, al 2016 jyldan bastap bul pán jappaı engiziledi. Bul týraly búgin QR bilim jáne ǵylym vıtse-mınıstri Esenǵazy Imanǵalıev «Koreıa Respýblıkasynyń úlgisinde ónertapqyshtyq jáne kreatıvti oılaýǵa úıretý ádistemesi» oqý semınarynyń barysynda habarlady.
E.Imanǵalıevtyń sózine qaraǵanda, bul pán Nazarbaev ıntellektýaldy mektepteriniń negizinde qabyldandy jáne qazirgi ýaqytta ony jalpy bilim beretin mektepterdiń baǵdarlamasyna engizý boıynsha jumystar júrgizilip jatyr.
«Osy kúni atalǵan jańalyqty engizý úshin bul tájirıbe Nazarbaev ıntellektýaldy mektepteriniń negizinde Taldyqorǵan, Astana jáne Kóksheteýda bastaýysh synyptaryna júrgizildi. Jáne ol jalpy bilim beretin mektepterge taralýda. Qazir bizdiń muǵalimderdiń 27 paıyzy Nazarbaev ıntellektýaldy mektepteriniń bazasynda úsh deńgeıli kýrstarda ótti. Olar Kembrıdj ýnıversıtetimen birge osy jobany júzege asyrýda», - dep habarlady E.Imanǵalıev.
Semınar jumysyna Dúnıejúzilik ónertapqysh jáne kásipker áıelder qaýymdastyǵynyń prezıdenti Han Mı Eng, sonymen birge Intellektýaldy menshik dúnıejúzilik uıymynyń ókilderi qatysty.
