2016 jyldan bastap qazaqstandyqtarǵa densaýlyqtyń elektrondy pasporty beriledi - DSÁDM
ASTANA. QazAqparat - Astanada Qazaqstan Respýblıkasy Prezıdentiniń Іs basqarmasy Medıtsınalyq ortalyǵynyń «Qazirgi zamanǵy medıtsınalyq tehnologııalardy engizý ortalyǵy» AQ uıymdastyrǵan «Densaýlyq saqtaý salasyndaǵy aqparattyq tehnologııalar: tabystar men shaqyrýlar» atty halyqaralyq konferentsııasy ótti, dep habarlady QR Prezıdentiniń Іs basqarmasy baspasóz qyzmeti.
Shara ústinde Qazaqstan Respýblıkasynyń 2013-2020 jyldarǵa arnalǵan elektrondyq densaýlyq saqtaý tujyrymdamasyn iske asyrý sheńberinde respýblıkada elektrondyq densaýlyq saqtaýdyń biryńǵaı júıesiniń qurylýy máseleleri talqylandy.
QR Densaýlyq saqtaý jáne áleýmettik damý mınıstrligi (DSÁDM) Elektrondyq densaýlyq saqtaýdy damytý departamentiniń dırektory Svetlana Shýbına qatysýshylardy elektrondyq densaýlyq saqtaý júıesiniń qurylýy boıynsha negizgi nátıjelerimen málimdedi.
Sonymen, onyń aıtýynsha, qazirgi tańda elektrondyq densaýlyq saqtaýdyń saıasatyn belgileıtin, qajetti normatıvtik qujattyq aktilerdi ázirleýdi jáne engizýdi, memleket ishinde medıtsınalyq aqparattardy almasý men yqpaldastyrýǵa jaýap beretin ortalyqtandyrylǵan servısterdi, qyzmetter men júıelerdi jasaýdy jáne paıdalanýdy qamtamasyz etetin ınstıtýtsıonaldyq qurylymdar quryldy. Ortaq platformanyń qurylýy 2015 jylda aıaqtalady.
DSÁDM-nyń ókili óz baıandamasynda elektrondyq densaýlyq pasporttaryna erekshe kóńil bóldi.
«Elektrondyq densaýlyq saqtaýdyń ortalyq elementi bizdiń memlekettiń ár azamatynyń elektrondyq densaýlyq pasporty bolady. Ol adam densaýlyǵy, burynǵy jáne qazirgi aýrýlar, sonymen qatar allergologııalyq jáne ımýndyq ahýaly týraly basty jıyntyq málimetterdi qamtamasyz etetin quraly bolyp tabylady... 2016 jyly elektrondyq densaýlyq pasporttaryn QR medıtsınalyq uıymdarynda engizilýi josparlanǵan», - dedi S.Shýbına.
Sonymen birge, «Aqparat patsıent artynan joldanady» prıntsıpi iske asyrylady málimdedi ol. Bul medıtsınalyq qyzmetkerler arasyndaǵy qarym qatynasty patsıentke kómek kórsetý, ýaqyt pen orynǵa baılanyssyz ótkizilgen dıagnostıkalyq jáne emdeý is-sharalar týraly aqparatty alýǵa jáne qoldanýdy jeńildetedi.
Elektrondyq pasport negizinde patsıent óz densaýlyǵy, dárigerge barý týraly eskertý hat, skrınıng nemese profılaktıkalyq baıqaýdan ótý týraly aqparatty alý úshin jeke kabınetiniń jasalýy josparlanǵan.
Sonymen qatar, Qazaqstan Respýblıkasy Prezıdentiniń Іs basqarmasy Medıtsınalyq ortalyǵy 2010 jyly baǵynysty uıymdarynda medıtsınalyq aqparattyq júıelerdi engizilýi bastaldy.
Medıtsınalyq aqparattyq júıelerdiń engizilýi aýrýhananyń menedjmentiń jetildirýdegi áseri týraly Qazaqstan Respýblıkasy Prezıdentiniń Іs basqarmasy Medıtsınalyq ortalyǵynyń bas dárigeri Ámir Ahmetov málimdedi.
Qazirgi tańda aýrýhanada medıtsınalyq - tehnologııalyq úderisterdi súıemeldeý boıynsha aqparattyq-taldamalyq kezeńi iske asyryldy.
Júıe úılesimdi jáne yqpaldastyrylǵan fýnktsıonaldyq-keńeıtilgen modýlder kesheni bolyp tabylady. Ol qaýip-qaterlerdi, shyǵyndardy jáne jumsalǵan eńbekti azaıtady.
«AJ paıdalanýy patsıenttiń derekterin túrli mamandar arasynda qaǵaz analızderin jiberýsiz ortalyqtandyrylǵan túrde saqtaýǵa múmkindik beredi, sonymen qatar, bul emhanalyq kartadan nemese aýrý tarıhynan aqparatty qaraýǵa múmkindik berdi», - dedi Á.Ahmetov.
Qazirgi tańda aýrýhananyń KMAJ-ǵa 500-den astam avtomattandyrylǵan jumys oryndar qosyldy. Júıede 215 dáriger, 297 medbıke jumys jasaıdy.
Konferentsııa sonynda ZAO «Informatıka Sıbırı», OOO «Bregıs» jáne TOO «MedElement» degen medıtsınalyq aqparattyq júıelerdiń óndirýshileri alǵa shyǵyp, medıtsınalyq qyzmetkerlerdi óz ónimderi men tanystyrdy.
