2016 jyl bir sekýndqa uzarady
ASTANA. QazAqparat - Dúnıejúzilik úılestirilgen ýaqyt boıynsha (UTC) 2016 jylǵy 31 jeltoqsanda bir sekýnd qosylady. Grınvıch boıynsha 2016 jylǵy 31 jeltoqsanda 23:59:59 keıin emes, 23:59:60-tan keıin 2017 jylǵy 1 qańtar bastalady.
Mundaı sheshimdi Parıjde ornalasqan Halyqaralyq jerdi aınalý qyzmeti habarlady, dep jazady Lenta.rý.
1 sekýnd UTC ýaqyty UT1-den erekshelenbes úshin qosylady. Bir sekýnd qosý 1972 jyldan bastap turaqty oryn alyp keledi. Mundaı sharalar kóbinese kibise jyldyń maýsymynda jáne jeltoqsanynda oryn alady.
Júıe jumys istegen ýaqyttan beri 25 sekýnd qosyldy. Sońǵy ret úılestirý sekýndy 2015 jylǵy 30 maýsymda qosyldy. Aldaǵy ýaqytta qosymsha sekýndtar jıi engiziletini atap ótiledi, sebebi Jerdiń aınalýy birtindep baıaýlaýda, al UTC pen UT1 arasyndaǵy aıyrma artýda.
