2016-2020 jyldary Kaspıı jaǵalaýy oıpańynda zertteý jumystary jandanady
Bul týraly búgin Astanada ótip jatqan «dóńgelek ústelde» «QazMunaıGaz» UK» AQ basqarma tóraǵasy Saýat Myńbaev málim etti.
«Atap aıtqanda, ondaǵy aýmaqtar birneshe aımaqtarǵa bólingen, osy rette málimetter jınaý tıisti deńgeıde rettelmegen. Barlyq jumystardy retke keltirý kerek, ıaǵnı Kaspıı jaǵalaýy oıpańy boıynsha tıisti kartalar jasalǵanymen, bul baǵyttaǵy jumystardy jańartý kerek. 2016-2020 jyldary osy turǵydaǵy sharalardy júgizý qajet bolyp tur»,-dep toqtaldy ol.
S. Myńbaevtyń sózine qaraǵanda, búginge deıin bul jumystardy ulttyq kompanııanyń quramyndaǵy jobalaý toby atqaryp keldi.
«Qazirgi kezde Úkimet janyndaǵy vedomstvoaralyq komıssııanyń sheshimimen bul baǵyttaǵy jumystarmen aınalysatyn tıisti JShS-ny qurý kezeńindemiz. Ótken jyldarda zertteý sharalaryna biz shamaly somada qarjy jumsadyq jáne ary qaraı qarjylandyrýǵa daıarmyz»,-dedi kompanııa basshysy.
Esterińizge sala keteıik, «Eýrazııa» jobasy 2014 jyly Qazaqstan men Reseı prezıdentterine tanystyrylǵan bolatyn. Budan keıin joba «100 naqty qadam» - Ult josparyna engizilgen edi.