2015 jyly «Jumyspen qamtýdyń jol kartasy 2020» baǵdarlamasyna 4,3 myń múgedek qatysty - QR DSÁDM
Vedomstvonyń habarlamasynda atalyp ótilgendeı, ótken jyly «Jumyspen qamtýdyń jol kartasy 2020» baǵdarlamasyna 4,3 myń múgedek jáne balalar úıiniń 194 tárbıelenýshisi, mektep, orta jáne joǵary bilim beretin mekemelerdiń 20,6 myń túlegi qatysty.
Vedomstvonyń aqparatynsha, 2015 jyldyń 1 jeltoqsanyndaǵy jaǵdaı boıynsha «Jumyspen qamtýdyń jol kartasy 2020» baǵdarlamasyna 133 myńǵa jýyq qazaqstandyq qatysty. Onyń ishinde 72 myń adam (54,1%) jumyssyz, ózin ózi ónimsiz eńbekpen qamtyǵandar - 61 myń (45,8%), taǵy 133-i (0,1%) - ishinara jumyspen qamtylǵan jaldamaly qyzmetkerler.
Eske sala keteıik, 2015 jyly QR DSÁDM qyzmetkerleri Elbasynyń jumyssyzdyqqa jol bermeý tapsyrmasyn oryndaý maqsatynda «Jumyspen qamtý jol kartasy-2020» baǵdarlamasyn jandandyrý jumystaryn júrgizdi. 2015 jyly 8 jeltoqsanynda QR Úkimeti jumys oryndaryn qurý men saqtaýǵa baǵyttalǵan «Jumyspen qamtýdyń jol kartasy 2020» baǵdarlamasyna engizilgen túzetýlerdi maquldady.
Kásiporyndarda joǵary bilikti mamandardyń jumys oryndaryn saqtaý úshin jumys ýaqytynyń qysqarýyna baılanysty eńbekaqynyń 2/3 bóligine ýaqytsha sýbsıdııalaý tetikterin engizý qarastyryldy.
Sondaı-aq, kásiporyn jumys ornyn saqtaǵan jaǵdaıda, qyzmetkerlerdi, onyń ishinde jumys isteıtin jastardy jumys berýshiler tarapynan qosa qarjylandyrýy nemese, tolyq memleket esebinen oqytýdy uıymdastyrý qarastyrylady.
Qosymsha jumys oryndaryn qurý úshin «Jumyspen qamtý jol kartasy-2020» baǵdarlamasy aıasynda qoldanylatyn quraldar kúsheıtiledi. Bul ınfraqurylymdyq jobalarǵa jumysqa ornalastyrý, barlyq memlekettik, salalyq jáne óńirlik baǵdarlamalar aıasynda júzege asyrylatyn jobalardyń múmkindikterin qoldaný jáne kásipkerlikti damytý úshin shaǵyn nesıe berý sııaqty sharalar bolýy múmkin.