2015 jyly jarııalanǵan QHA jyly aıasynda aýqymdy sharalar ótkizý josparlanýda
QR Mádenıet jáne sport mınıstri Arystanbek Muhamedıulynyń aıtýynsha, bul jyly «Asar» jalpyrespýblıkalyq aktsııasy ótedi. Sonymen qatar jeltoqsan aıynda úlken forým bolady. «Biz jyl saıyn Assambleıanyń sessııasyn ótkizetinbiz. Endi sessııanyń atyn forým dep ózgertip jatyrmyz. Sebebi, Elbasy aıtqandaı, birlik pen tatýlyqtyń ıdeıasy ár otbasyna, ár úıge jetýi kerek», - dedi mınıstr. Elimiz egemendik alǵaly bir shańyraqtyń astynda 140 etnos pen 17 konfessııanyń ókilderi turaqtylyq pen birlik saqtap, tatý-tátti ómir súrip keledi. 2015 jyly Qazaqstan halqy Assambleıasyna 20 jyl tolady. Bul data QR Konstıtýtsııasynyń 20 jyldyǵy men Uly Jeńistiń 70 jyldyǵymen tuspa-tus kelip otyr. Osyǵan oraı uıymdastyrylyp jatqan sharalardyń da aýqymy keń.
«1 naýryzda Assambleıanyń qurylǵan kúnine sáıkes arnaıy is-sharalar qarastyrylǵan. Sonymen qatar sáýirde jyl saıynǵy sessııamyz ótedi. Mamyr aıynda Jeńistiń 70 jyldyǵyna oraı bir aı boıy ardagerlerge kómek kórsetiledi. Buǵan qosa, Konstıtýtsııamyzǵa jıyrma jyl tolý mereıtoıyna oraı da aýqymdy sharalar ótkizilmek», - deıdi QHA tóraǵasynyń orynbasary Eraly Toǵjanov. Sondaı-aq keler jyly mádenı, sporttyq ári áleýmettik sharalardan bólek, halyqaralyq festıvalder, aýqymdy forýmdar ótkizý josparlanýda.
