2015 jyly Japonııaǵa rekordtyq kórsetkish - 20 mıllıonǵa jýyq týrıst barǵan
ASTANA. QazAqparat - 2015 jyly Japonııaǵa 19,73 mln sheteldik týrıst barǵan, bul rekordtyq kórsektish bolyp tabylady. Mundaı derekti seısenbi kúni ótken baspasóz máslıhatynda týrızm mınıstri Keııtı Isıı málimdedi.
2014 jylǵy derektermen salystyrǵanda, týrıstik aǵyn ósimi 47,1%-dy quraǵan. Japonııaǵa, ásirese Qytaıdyń materıktik bóliginen týrıster kóptep keledi. 2015 jyly olardyń sany 4,9 mln adamdy qurady, bul ótken jylǵy kórsetkishten 2,5 mıllıonǵa kóp. Japonııaǵa Taıvannan 3,6 mln turǵyn, Gonkongtan 1,5 mıllıon turǵyn barǵan. 4 mln jýyq týrıster Koreıa Respýblıkasynan kelgen, jyldyq ósim - 45%.
Vedomstvonyń baǵalaýynsha, ótken jyly sheteldik saıahatshylar Japonııada 3,77 trln ıen ($31,6 mlrd) jumsaǵan.
