2015 jyly Shyńjań 100 mln. týrısti qabyldap, 16 mlrd. dollar tabys tabady
BEIJІŃ. 16 qarasha. QazAqparat - Qazaqstanmen shekaralas qytaılyq Shyńjań-Uıǵyr shekaralas avtonomııalyq aýdany týrızmdi belsendi damytýda.
2012 jyldan bastap QHR Shyńjań-Uıǵyr avtonomııalyq ortalyǵynda týrıstik ındýstrııany damytýdyń úsh jyldyq jospary iske asyrylýda.
Boljam boıynsha, 2015 jyly Shyńjań 100 mıllıonnan astam týrısti qabyldamaq, odan kelip túsken kiris somasy 100 mlrd. ıýanǵa (shamamen 16 mlrd. dollar) jetedi, bul ShUAA halyq sharýashylyǵy JІÓ-siniń shamamen 8 paıyzyn quraıdy.
Aǵymdaǵy jyldyń úsh maýsymynyń qorytyndylary boıynsha Shyńjańǵa 37,93 mln. otandyq jáne sheteldik týrıster keldi. Olardyń ishinde bir mıllıonnan astamy - sheteldik týrıster, olardan kelip túsken kiris 450 mln. dollardy qurady. Kiristerdiń negizgi bóligi otandyq týrısterden 7 mlrd. dollardan astam kólemde kelip túsýde.
2011 jyly Shyńjańǵa 40 mıllıonnan astam týrıster kelip, týrıstik kirister shamamen 6,5 mlrd. dollardy qurady.
Týrızmdi qysqy ýaqytta damytý úshin Úrimshide muz jáne qar týrıstik festıvali men týrızm ındýstrııasynyń qysqy jármeńkesi ótkizilýde. Kezekti sharalar aǵymdaǵy jyldyń 30 qarashasy men 2 jeltoqsan aralyǵynda Beıjińniń, Gýandýn jáne Tszıansı shyǵys provıntsııalarynyń jetekshi týrıstik fırmalarynyń qatysýymen ótedi.
