2015 jyly Sara Braıtman Halyqaralyq ǵarysh stansasyna attanbaq
ASTANA. 8 mamyr. QazAqparat - Roskosmos pen amerıkalyq «Space Adventures Ltd.» kompanııasy brıtandyq ánshi jáne ártis Sara Braıtmannyń Halyqaralyq ǵarysh stansasyna (HǴS) attanatyny týraly kelisimge keldi.
Bul týraly Roskosmos baspasóz qyzmetiniń jetekshisi Anna Vedışeva habarlady.
Reseıdiń federaldy ǵarysh agenttiniń saıtynda jazylǵandaı, atalmysh ǵaryshtyq ushyrýdy júzege asyrý úshin taraptar qajetti jumystardy iske asyrýǵa kiristi. Jaqyn arada S. Braıtmannyń HǴS bortynda tirshilik etýi men ázirliginiń baǵdarlamasyn ázirleý jáne bekitý máselesi talqylanbaq.
Ánshi 2015 jyldyń qazan aıynda ǵaryshqa attanady dep josparlanyp otyr.
Sara Braıtman kandıdatýrasynyń «Soıýz» kemesi arqyly ǵarysh saıahatshysy retinde ushýy alǵash ret 2012 jyldyń tamyz aıynda maquldanǵan bolatyn.
Ánshi 1969 jyldan beri ǵaryshty baǵyndyrýdy armandaǵan. Bul jaıynda Sara Braıtman BAQ ókilderine bergen suhbatynda atap ótti. Bıylǵy jyly óner ıesi ««Dreamchaser» (Arman qýǵan) albomyn qoldaý maqsatynda álemdik sahnalarda óz sheberligin pash etýde. Ony támamdaǵannan keıin ánshi ǵaryshqa ushý úshin jarty jyldyq daıyndyqqa kirispek.
