2015 jyly Problemalyq nesıeler qoryna 250 mlrd teńge bólindi
ASTANA. QazAqparat - 2015 jyly Problemalyq nesıeler qoryna 250 mlrd teńge bólindi. Bul týraly búgin OKQ brıfınginde QR Parlamenti Májilisiniń depýtaty, qarjy jáne bıýdjet komıtetiniń múshesi Serik Ospanov aıtty.
«Problemalyq nesıeler qoryna 205 mlrd teńge bólindi, olar tólenbeı jatqan nesıelerdiń máselesin sheshý úshin bankterge bólinip beriletin bolady. Búginde onda birqatar uıymdastyrýshylyq jáne basqa da jumystar atqarylyp jatyr, sondyqtan atalǵan qarajat jyl sońyna deıin tolyq ıgeriletin bolady», - dep atap ótti depýtat.
Onyń aıtýynsha, ıpotekalyq nesıelerge de 130 mlrd teńge bólinedi. Ol qarajat 2004-2009 jyldar aralyǵynda ıpotekalyq nesıeler alǵan zaımshylarǵa júktelgen aýyrtpalyqty azaıtýǵa kómektesedi. «Bul nesıelerdi jaýyp berý degen sóz emes, bul tek nesıe sharttaryn jeńildetýge kómektesedi», - dep túsindirdi S. Ospanov.
Sondaı-aq, depýtattyń anyqtap ótýinshe, Ulttyq qordan «Báıterek» holdıngine bólingen 100 mlrd teńge 2015-2016 jyldarda kásipkerlik nysandaryn qarjylandyrýǵa arnalǵan.
«Mundaǵy 70 mlrd teńge oblıgatsııalyq zaım retinde bolady, al onyń 20 mlrd teńgesi otandyq avtoóndirýshilerge, 10 mlrd teńgesi - tikushaq jasaýǵa, 5 mlrd teńgesi jolaýshylar vagondaryn shyǵarýǵa, al 35 mlrd teńgesi eksporterlerdi qoldaýǵa jumsalady. ıAǵnı, qazir barlyq basymdyq otandyq óndirýshilerdiń isin damytýǵa baǵyttalyp otyr», - dep túsindirdi depýtat.
Onyń aıtýynsha, qalǵan 30 mlrd teńgeniń 5 mlrd-y baǵyttyq transfert retinde qordy kapıtalızatsııalaýǵa jáne onyń jumysynyń bastalýyna deıin úleskerlik salymdardy kepildendirýge, al 25 mlrd-y 2016 jyly eksporttyq qarjylandyrýǵa jáne qorlardy nesıelendirýge jumsalady.
«Jalpy alǵanda baǵyttyq transfertter 76 mlrd teńgege ulǵaıyp, barlyǵy 783,5 mlrd teńgeni quraıtyn bolady», - dep atap ótti S. Ospanov.
