2015 jyly otaý qurǵan juldyzdy juptar (FOTO)
ALMATY. QazAqparat - 2015 jyl Qazaqstan shoý-bıznesinde otbasylyq ómirdiń jolyna túskender kóp boldy. «QazAqparat» agenttigi bıyl este qalarlyq qoǵam nazarynda bolǵan toılardy aıta ketpek.
Naqtyraq aıtqanda, «KeshYou» tobynyń ənshisi Aıdana Medenova naýryzda uzatyldy. Ənshiniń tańdaǵan jary «Indıgo» men FM toptarynyń prodıýseri Əlisher Nurjanov.
Toı Almaty meıramhanalarynyń birinde ótti. 2015 jyldyń qazanynda Aıdana men Əlisherdiń shańyraǵynda qyz bala dúnıege keldi.
Bıyl baqytyn tapqandardyń qatarynda «Aılın» esimimen tanymal ánshi Əsem Jəketaeva da bar. Ol Instagramdaǵy paraqshasynda toı kóılegimen túsken sýretin jarııalady.
Jaz kezinde belgili telejúrgizýshi Alan Cherkasov pen Anastasııa Kleşenko otaý qurdy. Toı Almatyda ashyq aspan astynda ótti. Juldyzdy jup jaqynda balaly boldy.
Olar qyzyna Arnella esimin berdi.
Bıyl ənshi Dınara Qyryqbaeva da neke júzigin taqty. Onyń tańdaýy Oljas esimdi azamatqa túsken. Olar da səbı kútip otyr.
Qyrkúıekte qoǵam nazaryn aýdarǵan taǵy bir toı ótti. Bul Asha Mataı men Arman Qońyrbaevtyń toıy boldy. Asha Mataı qazaqtyń ulttyq dəstúrine saı jón-joralǵymen uzatyldy. Toıǵa shoý-bızneste júrgen úlken-kishiniń bári bardy. Juldyzdy jup bal aıyn Balı aralynda ótkizgenin maqtanyshpen áleýmettik jelide jarııalady.
Jaqynda «KeshYou» tobynyń burynǵy ənshisi Móldir Əýelbekova Arystan esimdi jigittiń eteginen ustady. Toı Tarazda ótti. Móldir óziniń paraqshasynda azamatynyń ónerge qatysy jo ekenin aıtqan. Olar qazir Astanada turyp jatyr.
