2015 jyly Nazarbaev Ýnıversıteti bazasynda medıtsınalyq mektep ashylady
ASTANA. QazAqparat - 2015 jyly Nazarbaev Ýnıversıteti bazasynda medıtsınalyq mektep ashylady. Bul týraly búgin OKQ uıymdastyrǵan brıfıngte «Ulttyq medıtsınalyq holdıng» AQ basqarma tóraǵasy Álibek Kennet habarlady.
«Nazarbaev Ýnıversıtetiniń enshiles kompanııasy bolyp tabylatyn holdıngtiń aldynda 2015 jyly álemdik standarttar boıynsha medıtsınalyq mektep ashý tapsyrmasy tur. Onda bilim berý tolyǵymen aǵylshyn tilinde júrgiziledi», - dedi Á. Kennet.
Onyń aıtýynsha, sonymen qatar, medıtsınalyq holdıng bazasynda onkologııalyq ortalyq ashý týraly jospar da bar. «Búginde bas mıynyń isikteri, ortaq onkologııa jáne balalarǵa arnalǵan bólimsheler ashylǵan.
Sondaı-aq, onkohırýrgııa bólimderi de jabdyqtalyp jatyr. Ortalyqtyń bolashaǵy úshin biz zamanaýı tehnologııalardy búginniń ózinde qalyptastyryp, jeke de, seriktestermen de jumys jasaýdamyz», - dep atap ótti basqarma tóraǵasy.
