2015 jyly monoqalalarda shaǵyn jáne orta bıznesti damytýǵa 8,2 mlrd teńge bólinedi
ASTANA. QazAqparat -2015 jyly monoqalalarda shaǵyn jáne orta bıznesti damytýǵa 8,2 mlrd teńge bólinedi. Bul týraly búgin Májilistegi «Nur Otan» partııasy fraktsııasy janyndaǵy Óńirlik saıasat jáne máslıhattarmen jumys jónindegi keńestiń otyrysy barysynda Ulttyq ekonomıka vıtse-mınıstri Qaıyrbek Óskenbaev málim etti.
Vıtse-mınıstrdiń sózine qaraǵanda, monoqalalardy damytý baǵdarlamasynyń negizgi baǵyttarynyń biri - shaǵyn jáne orta bıznesti damytý. Bul rette nesıeler boıynsha stavkalardy on paıyzǵa deıin sýbsıdııalaýǵa, shaǵyn neseıeler berýge, jańa óndirister qurý úshin úsh mıllıon teńgege deıin granttar bólýge memlekettik qoldaýlar qarastyrylady.
«Osy baǵyt aıasynda respýblıkalyq bıýdjetten 8,2 mlrd teńge bólindi. Sonyń ishinde 2014 jylǵy bıýdjetten 4,9 mlrd teńge qarastyrylǵan bolatyn. Al 2015 jylǵa 5 mlrd teńge kózdelip otyr. Budan bólek, aǵymdaǵy jyldyń birinshi qazanyndaǵy jaǵdaı boıynsha 979 mln teńge somaǵa 437 shaǵyn nesıeler berilgen, 224 mln teńgege 93 grant, sonymen qatar 833 mln. teńgeniń kredıtteri boıynsha 267 jobanyń paıyzdyq stavkalardy sýbsıdııalanǵan», - dedi Q. Óskenbaev.
Vıtse-mınıstr sonymen birge, Elbasynyń jaqyndaǵy «Nurly jol-bolashaqqa bastar jol» atty Joldaýynda ınfraqurylymdyq damytý josparlary qamtylǵanyn, osyǵan baılanysty monoqalalarda ındýstrııalyq ınfraqurylymdy damytýǵa, turǵyn úı kommýnaldyq sharýashylyq ınfraqurylymdaryn damytýǵa, shaǵyn jáne orta bıznesti damytýǵa erekshe nazar aýdarylatynyn jetkizdi.
