2015 jyly Memlekettik kirister komıtetiniń qyzmetshilerine para berýdiń alty oqıǵasynyń joly kesildi
ASTANA. QazAqparat - Memlekettik kirister komıteti aǵymdaǵy jyly Qazaqstan Respýblıkasynyń zańnamasyn buzǵan josyqsyz kásipkerler jáne azamattar tarapynan qyzmetshilerge para berýdiń alty oqıǵanyń jolyn kesti, dep habarlaıdy vedomstvonyń baspasóz qyzmetinen.
Qazaqstan Respýblıkasynyń 2015-2025 jyldarǵa arnalǵan sybaılas jemqorlyqqa qarsy strategııasyn jáne vedomstvolyq Sybaılas jemqorlyq deńgeıin tómendetýdiń 2015-2017 jyldarǵa arnalǵan josparyn iske asyrý sheńberinde Memlekettik kirister komıteti josyqsyz salyq tóleýshiler jáne syrtqy ekonomıkalyq qyzmetke qatysýshylar tarapynan da sybaılas jemqorlyq faktoryn tómendetý boıynsha batyl sharalar qabyldaýda.
Minez-qulyqtyń sybaılas jemqorlyqqa qarsy modelin sińirý, óz qyzmetshileri men barlyq qoǵamdy sybaılas jemqorlyqtyń aldyn alý boıynsha is-sharalaryna, onyń ishinde memlekettik kirister organdarynyń laýazymdy tulǵalaryna para bergeni úshin jazadan bultartpaý qaǵıdatyn iske asyrý boıynsha tásilderdi jetildirý arqyly keńinen tartý atalǵan jumystyń basymdy baǵyttarynyń biri bolyp tabylady.
Osy maqsattar úshin Komıtet para berý áreketin anyqtaýda qyzmetshilerdiń qatysýyn, onyń ishinde sybaılas jemqorlyq kórnisterine qarsy tura bilýinde sanalylyqty bildiretin laýazymdy tulǵalarǵa materıaldyq kótermeleý sharalaryn qoldanýmen belsendirý boıynsha is-sharaǵa bastamashylyq etti.
Nátıjesinde memlekettik kirister organdary qyzmetshileriniń kómegimen jáne tikeleı qatysýymen 2015 jyldyń basynan bastap olardyń laýazymdyq ókilettikterin júzege asyrý kezinde para alýǵa beıimdelýdiń 6 faktisiniń joly kesildi.
Tek 2015 jylǵy qarashada Almaty qalasynda jáne Shyǵys Qazaqstan oblysynda ishki qaýipsizdik bólimsheleri Sybaılas jemqorlyqqa qarsy qyzmetpen birlesip kásipkerlik sýbektilerin tekserý barysynda anyqtalǵan buzýshylyqtary úshin ákimshilik jaýapkershilikten jaltarýda olarǵa kómek kórsetkeni úshin memlekettik kirister organdarynyń qyzmetshilerine para berýge tyrysqan mundaı 2 faktiniń aldyn aldy.
Kórsetilgen para berý faktileri boıynsha Qazaqstan Respýblıkasynyń Qylmystyq kodeksiniń 367-baby boıynsha sotqa deıingi tergeý júrgizilýde.
Budan buryn anyqtalǵan uqsas fakti boıynsha Jambyl oblysy boıynsha MKD qyzmetshisin para alýǵa beıimdeýge nıet bildirgen G. azamaty sottalyp, zańsyz syıaqy berýdiń 20 eselengen somasy mólsherinde aıyppul tóleý úkimine kesildi.
Osyǵan oraı, komıtet Qazaqstan Respýblıkasynyń Qylmystyq kodeksiniń 367-babyna sáıkes sybaılas jemqorlyqqa qarsy is-qımyl boıynsha sharalardyń kúsheıtilgeni týraly salyq tóleýshiler men SEQ qatysýshylaryn eskere otyryp, laýazymdy tulǵalarǵa para bergeni úshin qatań qylmystyq jaýapkershilik týraly eske salady. Atap aıtqanda, paranyń jıyrma eselengen somasy mólsherinde aıyppul salý túrindegi jazalaýmen qatar, múlikti tárkileýmen úsh jyldan bes jylǵa deıingi merzimge bas bostandyǵynan aıyrý sharasy da qarastyrylady.
