2015 jyly Qytaıda bala týý kórsetkishi kúrt artpaq
ASTANA. QazAqparat - Qytaı 2015 jyldan bastap «Bir otbasy - bir bala» qaǵıdaty jumsartylǵannan keıin týý kórsetkishterin ulǵaıtýǵa ázirlik ústinde.
Kelesi jyly QHR-da 2 mln. bala dúnıege keledi dep boljanýda, dep habarlady VVS.
Beıjińde dárigerler týý kórsetkishteriniń belsendi óskenin atap ótýde, taıaý bes jylda «qosymsha» 270 myń náreste dúnıe esigin ashady dep kútilýde.
Ótken jyly Qytaı ata-analarynyń biri otbasynyń jalǵyzy bolatyn bolsa, olarǵa ekinshi bala týýǵa ruqsat bergen. Buǵan deıin ata-analarynyń ekeýiniń aǵa-ini, qaryndastary nemese ápke-sińlisi bolmaǵan jaǵdaıda ǵana birneshe bala týýǵa ruqsat etilgen bolatyn. Al bul ózgeris jas otbasylardy da, orta jastaǵylardy da qamtyp otyr. Tipti balalary eseıip ketkender de ekinshi balany dúnıege ákelýge qulshynyp otyr.
Memlekettik otbasylyq saıasatqa engizilgen ózgeris Qytaıǵa tónip turǵan halyqtyń qartaıý problemasyn sheshetin bolady.
