2015 jyly Qytaıda 27 sý qoımasy salynady
BEIJІŃ. QazAqparat - Qytaı úkimeti 2015 jyly 27 sý qoımasyn salýdy kózdep otyr, onyń jartysy eldiń batys aımaǵynda bolady. Bul týraly baspasóz máslıhatynda QHR sý sharýashylyǵy mınıstriniń orynbasary Tszıao ıÝn habarlady.
«Basty sý sharýashylyǵy nysandaryna baǵyttalatyn ınvestıtsııa ulǵaıatyn bolady. Ótken jyly bul kórsetkish 488 mlrd. ıýandy (QazAqparat túsiniktemesi - 79,74 mlrd. dollardy) qurady», - dedi ol. Onyń sózine qaraǵanda, sý qoımalarynyń qurylys jobalary Qytaıdyń ekonomıkalyq damýyna septesedi. Bul jumys QHR 172 sý sharýashylyǵy jobalaryn júzege asyrý boıynsha josparynyń bir bóligi. 2014 jyly 17 nysan qoldanysqa berildi, onyń 10 - eldiń batys aýmaǵynda. Qytaılyq sheneýnik atap ótkendeı, kenttený úrdisi aıasynda birqatar shaǵyn jáne orta rezervýarlar ýezder men shaǵyn qalalarda salynady. Eske sala keteıik, 5 naýryzda ótken 12-shi shaqyrylymdaǵy Búkilqytaılyq halyq ókilderi jıynynyń 3-shi sessııasynyń ashylýynda QHR Memlekettik keńesiniń Premeri Lı Ketsıan 2014 jyly iri gıdrotehnıkalyq qurylymdardyń qurylysy belsendi bola túskenin atap ótti. Bıyl 60 mln. aýyl turǵynyn aýyz sýmen qamtý josparlanǵan.
