2015 jyly QR QK ofıtserleriniń attestattalý nátıjeleri 20 %-ǵa jaqsardy
Bul týraly QR Qorǵanys mınıstrliginiń baspasóz qyzmetinen habarlady.
2015 jyly Qurlyq áskerleriniń kadrlyq organdarymen 60-tan asa attestattaý komıssııasynyń jumysy uıymdastyryldy, olardyń otyrystarynda bir jyl boıy 5,5 myńnan asa ofıtser qaraldy. Attestattaý barysynda ofıtserlerdiń anaǵurlym mańyzdy kásibı tustary, óziniń mamandyǵyn, tehnıka men qarý-jaraqty, taktıka negizderi men jedel ónerdi bilýi, dene daıyndyǵy, sondaı-aq jeke jáne moraldyq-iskerlik qasıetteri baǵalandy.
«Attestattaý nátıjeleri jalpy alǵanda, bizdiń ofıtserler quramynyń kúndelikti jáne oqý-jaýyngerlik qyzmetke quzyretti basshylyq jasaýy úshin qajetti daıyndyq deńgeıleri bar ekenin kórsetti», - dedi attestattaý nátıjelerin qorytyndylaý barysynda Qurlyq áskerleri bas qolbasshysy basqarmasy kadrlar basqarmasynyń bastyǵy polkovnık Meıirbek Nurbaev.
«Attestattaý qorytyndysy boıynsha 70%-dan asa ofıtser joǵary laýazymǵa usynylýǵa jáne oqýǵa túsýge laıyq dep tanyldy. Bul 20%-ǵa derlik 2012 jylǵy aldyńǵy attestattaý nátıjelerinen asyp túsedi. Budan basqa, 32363 jáne 27943 áskerı bólimderiniń bazasynda alǵash ret attestattaý boıynsha nátıjeler men qorytyndylardy avtomatty túrde óńdeı otyryp, saraptamalyq baǵa berý júıesinde negizdelgen ofıtserlerdiń attestattalýy synamadan ótkizildi. Bul júıeniń negizinde barlyq áskerı qyzmetshilerdiń qyzmetin baǵalaý boıynsha jumys bolashaǵy jatyr». Attestattaý qorytyndysy boıynsha ofıtserlerdiń 3%-y ǵana atqaryp otyrǵan laýazymdaryna sáıkes emes dep tanyldy. Olar ózderin anaǵurlym jaqsy jaǵyn kórsete alatyn basqa laýazymdarǵa aýystyryldy, al birqatar jaýapsyz ofıtserler teris sebeptermen Qarýly Kúshter qatarynan bosatyldy. «Meniń oıymsha, attestattaýdyń basty nátıjesi árbir ofıtserge óziniń kásibı daıyndyǵy men qyzmettik tynys-tirshiliginde qandaı aspektiler boıynsha jumys jasaý, qandaı baǵytta jetildirilý, shyńdalý qajet ekendigi derbes kórsetildi. Odan basqa, barlyq áskerı qyzmetshilerge kásibı, iskerlik, moraldyq jáne psıhologııalyq qasıetterin, qyzmettik tájirıbelerin, qabilettilikterin, beıimdilikterin jáne qyzyǵýshylyqtaryn negizge ala otyryp, olardy ári qaraı qoldaný perspektıvasy anyqtaldy. Bul barlyq ofıtserlerdiń kásibıligin arttyrýdyń kepili bolýy tıis», - dedi polkovnık Meıirbek Nurbaev. «Áskerı qyzmet pen áskerı qyzmetshilerdiń mártebesi týraly» QR Zańyna sáıkes ofıtserler quramy ár 3 jyl saıyn josparly attestattaýdan ótetinin aıta keteıik.