2015 jyly «QazMunaıGaz» munaı óndirý kólemin 1 paıyzǵa arttyrdy

ASTANA. QazAqparat - 2015 jyly «QazMunaıGaz» UK» AQ munaı óndirý kólemin tek 1 paıyzǵa arttyrdy. Bul týraly búgin Ortalyq kommýnıkatsııalar qyzmetindegi baspasóz máslıhatynda atalǵan kompanııanyń basqarma tóraǵasy Saýat Myńbaev málim etti.

«Ótken jyldyń qorytyndysy boıynsha aıtatyn bolsaq, QMG bir jyl burynǵymen salystyrǵanda óndirý kólemin 1 paıyzǵa arttyrdy. Sonymen qatar óndirý jospary da oryndaldy. Respýblıka boıynsha óndirýde keıbir tómendeýler oryn aldy, alaıda «QazMunaıGazda» bundaı jaǵdaı bolǵan joq. ıAǵnı, óndirýde bizde birshama ósim bar»,-dedi S. Myńbaev.

Munymen qosa ol QMG úshin qarjylyq kórsetkishter boıynsha ótken jyl jaman bolmaǵanyn atap ótti.

Kompanııa málimetine qaraǵanda, 2015 jyly «QazMunaıGaz» kompanııalar tobynda munaı men gaz kondensatynyń shoǵyrlandyrylǵan óndirý kólemi 22 mln. 670 myń tonnany qurady. Tabıǵı jáne ilispe gazdy óndirý 7 255 mln. tekshe metrge jetti.

Sonymen birge, ótken jyly Qazaqstanda munaıdy qaıta óńdeý kólemi 16 mln. 295 myń tonnany qurady. 2016 jyldyń 1 qańtaryndaǵy jaǵdaıy boıynsha Qazaqstannyń munaı ónimderiniń bólshek naryǵynda QMG kompanııasynyń úlesi 16 paıyzdy qamtydy. 2018 jylǵa qaraı kompanııa naryqtaǵy úlesin 20 paıyzdan kem emes deńgeıde ósirýge, al 2022 jylǵa qaraı 32 paıyzǵa deıin arttyrmaq.