2015 jyly Qazaqstandaǵy orys mádenı ortalyǵy 40 «izgi isti» ótkizýdi josparlaýda
«Eń aldymen, 20 jyldyń ishinde Qazaqstan aýmaǵynda eshqandaı ultaralyq janjaldar bolmaǵanyn atap ótkim keledi. Bul árbir ulys ózin erkin sezinetin dıalog alańyn qurǵan bizdiń Prezıdentimiz, QHA Tóraǵasy Nursultan Nazarbaevtyń sińirgen eńbegi. Ár ulystyń múddesin eskere otyryp, 20 jyl ishinde biz elimizde beıbitshilik pen turaqtylyqty saqtaı bildik. Biz aınalamyzda qandaı jaǵdaılar bolyp jatqanyn kórip otyrmyz. Burynǵy KSRO elderiniń ishinde bizde ǵana balalarymyzdyń beıbit zamanda ómir súrýine barlyq jaǵdaı jasalyp otyr», - dedi V.Lýkashov.
Birlestik tóraǵasy bıylǵy jyly ortalyq muqtaj adamdarǵa áleýmettik kómek berýmen aınalysatynyn jáne orys jáne qazaq tilderin tereńdete oqyp-úırenýge, halyqtarymyzdyń mádenıeti men salttaryn qurmetteı biilýge basa kóńil bóletinin aıtty. «»20 izgi is» aıasynda biz 40 mindetti atqaryp shyqpaqpyz. Sondyqtan da osy baǵytta bar kúsh-jigerimizdi salyp jumys isteımiz. Biz óńirlerdegi etnomádenı ortalyqtarmen tyǵyz baılanys jasap, orys tili festıvaldaryn ótkizbekpiz. Bıylǵy jyly Qyzylordaǵa, Qaraǵandyǵa jáne Óskemenge shyǵýdy josparlap otyrmyz», - dedi ol.
Qazaqstan halqy Assambleıasy 1995 jyly 1 naýryzda Memleket basshysynyń bastamasymen qoǵamdaǵy tynyshtyq pen kelisimdi qamtamasyz etetin biregeı ınstıtýt retinde qurylǵan bolatyn. 2015 jyl Qazaqstan halqy Assambleıasynyń jyly bolyp jarııalandy. Osy jylǵy 6 aqpanda jyl sharalary resmı bastaldy.
